今日聽到有d 啜核白痴語錄 唔記低真係完全對唔住自己 語錄一 當你唔想同人溝通個時可以講以下呢句 「我真係唔知點同你溝通，因為我驚同你講個時可能會hurt 倒你」 講都未講又知會hurt 倒？ 有少少智商0既梗係係講野之前諗下句野會唔會hurt 倒人架啦 唔係等講完之後先諗返有冇hurt 倒人呀？ 又或者我真係咁易hurt？講乜都會被hurt？ 咁大個人都唔識得諗野？ 真係超低能，勁搞笑 呢句比人質完用唔倒，但係又唔想同個個人溝通 可以用以下呢句 語錄二 「其實我同你講野個時，會令我有d 唔開心0既感覺，所以唔想同你溝通咁多」 呢句真係勁，你鐘唔鐘意都要做野架啦， 唔通d人做野對住d 自己唔鐘意0既人同事就唔駛做咩 咁以後可以唔駛匯報同溝通啦 用返呢兩句絕對可以耍走你<--謎之聲，真係work？ 語錄三 「其實呢件事我地覺得好嚴重，所以即時搵xx去處理....... (講完一大輪野之後)........... 相對之下呢件事冇咁嚴重，所以唔得閒去處理，因為有其他好多野要做。」 究竟嚴重定唔嚴重架？一開頭又話好嚴重， 但係質問佢點解唔即時處理個時又話相對唔係咁嚴重？ 咁即係嚴重定唔嚴重呀？ 語錄四 「乜阿邊個冇同你交待件事咩？我以為阿邊個同你交代左喎」 憑乜咁肯定人地交代左？乜都係其他人做，但係個個人又走左，唔係你交代搵隻鬼同人交代呀？ 重要振振有詞，但係最後比人質完一輪知道賴野，輕輕一句話誤會左就當冇事？ 呢句誤會真係剎食 所以語錄五 最後撐無可撐 「可能係我誤會左姐。」 所以以後冇做野/做錯野可以用以上幾句黎答 「我以為xxxxx做左，所以我冇做」 「呢件事係好重要...........其實件事相對黎講唔係好重要姐」 最後絕招，撐無可撐 「可能係我誤會姐」 語錄六 「基本上牽涉0既人都有左共識係xxxx。」 之前又話交左比阿邊個接手，但係阿邊個都冇講過野， 真係唔知乜野叫做牽涉0既人有共識，反而話交左比人個個有份去傾， 咁到底係交左比人定係冇交比人自己做左啦 最後一個疑問 講晒其他人有乜唔岩，有乜錯 調返轉頭有冇諗過自己有冇錯？ 我好相信係冇架 表面上話有錯，但係跟住又講到好委屈，然後係咁數人0既問題 原來咁叫認自己有錯？ 呢招真係絕呀 仲有好多，真係不能盡錄 有機會一定再加 簡單一句話好討厭我咪得囉，何必東拉西扯姐 最憎人又要扮晒英明神武，講到好似冇野搞唔掂 搞唔掂/比人質個時又扮晒唔關自己事，話交代左比其他人做 呢招真係絕 又要威，又要戴頭盔 算把啦 呢個世界個個都有錯 唯獨你一個冇錯 聽完之後，又點會据你先得架？ 下次再係咁，我咪學人玩晒野囉 千祈唔好後悔自己做過0既野 | 
